Chelsel a rak er a 2022, e a REL Pacific a ulechotii a Rolel a Klaukledem el Melelem er a Resensei, me tia el mlo merek el rak e aki uluchais a chisel a kllolem el private el skuul el mlo obengkel tia el urerel a klaukledem. Aika el skuul a ileakl el di tir el orrurt a skulir el ngar er a eungel a Ministry er a Education er a beluu er a Belau me ng diak ludoud er a kabelment a orrurt el ua skuul er a kabelment. Me ng ua isei, me a rungerachel aika el skuul a diak lsal sebechir el smiik a techall er a ngeso el mo melelem er a resensei er tir. Ng dirrek el mo meringel er tir a skir a remo sensei. Ng ultuil er aikang, e a REL Pacific a kilengei er tia el techall el mo olengeseu er a remengeteklel aika el private el skuul el mo ngosuterir a resenei er tir.

A uchelel tia el ureor, e a REL Pacific me a remengeteklel aika el private el skuul a mlo dmak e tilbir el kot e te mo mekedbechii a mo melemolem el cheldecheduch er a delongelir a rureor er a skuul (PLC) er a chelsel aika el kakerous el skuul. Te mo oureor el mesmechokl a osisecheklel a omenguiu me a omeluches er a rengalek er a skuul. Ng okiu tiang, e a merreder er a skuul me a resensei el rokui a mo sebechir el dmak el kasisiich er a klemedengei er tir me a kldachelberir.

"Se er a kimomuchel el oureor el obengkel a REL, e tiang a mle kot el tekoi el kullasem el meruul er ngii er a skuul––el mo er ngii a PLC el obengeterir a resensei," a Vice Principal Walker Umetaro er a skuul er a Mari Stella a ouchais. Ng dirrek el ouchais el kmo, a resensei a uleksau el di tir me ng ua ble el telkib el kelekall e ng mlochu sebechir el dmak el chachedecheduch er a delongelir. "Se er a lolemolem tiang (kldibel er a PLC), e ng di milrael el kmal mo ungil. Ng mlo uchelel a klaingeseu er a ureor er a delongelir a resensei me tir a mlo kaiuerenges."

A Pamela Swei, el principal er a Emmaus-Bethania High School, a melebedebek a blekerdelir a resensei er ngii er a uriul er a luchelii a PLC er a skulir. Ng ouchais el kmo, "Ak mtab a ungil el ngedechel a teletelir a resensei el tia el mekudem el klaingeseu me a cheldecheduch er a delongelir a uchul me a dirrek el rengalek er a skuul."

Okedbechel a Ungil el Deleuill el kirel aike el Urerall

A Susan Labsang el sensei er a Mari Stella School a uluchais el kmu ng diak lechad er a Belau. Ng blechoel el di lmuk se el lengar er a cheldecheduch er a delongelir a resensei, e ng di tia el teletelel a PLC a mla ngosuir el mo mimokl.

Ng kmo, "A uchelel, e ak di ngar er a chelsel a delemerab er ngak el meruul a urerek. Ng di ng okiu tia el PLC e ak mla mo mimokl. Me chelechang e ng ua kimolisiich er a klaumerang er a delongelam. A omertelel aike el berrotel el tekoi a kmal ngar er ngii."

Pastor Mac Alfonso, el sensei er a Emmaus-Bethania High School, a kongei el kmu tia el PLC a mla chudelterir a resensei el mo dmak.

"Ng chemolt se el reng er a kltang se el dedak el oureor el okiu a PLC." Ng melekoi a Pastor Alfonso. "A osisiu el taem, e aki kaumerang er a delongelam se el kimdak el oureor."

Se el lolemolem a remerredelel a skuul me a resensei el kaingeseu el okiu tia el PLC, e ng mekedbechii a ulekedelad el uchetemel a ureor el mo melelem er a resensei me a okedmeklel aike el ngar er ngii telengtengil a ureor.

A rolel a omelisichel tia el ureor el mo melelem er a remo ulsemuul e dachelbai el sensei el mo uchul a bedochel el osisechakl me a omesubir a rengalek er a skuul, e a kot el dauch er tia el ureor, Skel me a Olkelel a Kldachelbil a Osisechakl er a chelsel a Belau, tiang a mo:

• mekedbechii a mui el klaudengei e smisicheterir a rechedal tia el ureor el smiik aike el olkelel a bedochel el osisechakl.
• ngiul a data el melutk aika el olkael.
• usbechel aika el data.

Ng mle ultuil er a otireklel aike el ulekldmokl el rolel a ureor e ng milktmokl a kerebai me a rolel a ngeso el melelem er a resensei er a chelsel a skulir.

"A (Data) a diak di lochur"

A ongeru el dauch er tia el ureor, Omelelem el Melisiich er a Bedochel el Osisechakl, e a resensei a mlo er ngii a klaudengei er tir er tia el ureor me a usbechel a data el lolai el kirel a teketekel a bedochel el osisechakl el mo sumechokl a osisecheklel a omenguiu me a omeluches. A REL Pacific a oureor el obengterir a resensei el melsisiich a klaudengei me a duch er tir el melechiir a data el ultuil er aike el ngar er ngii el chedechuul el mengetmokl a skulir.

A rolel e kede smisichii a klausisechakl er a delongelir a resensei a bo dultuil er aike el ngar er ngii el uldasu el mo mengetmokl a skulir. A resensei a meltak er tia rolel a klausisechakl me a klaingeseu er a delongelir me bo luldimukl er a orretel a skulir er a bek el sils el loberk el mo er aike el bebil er a skuul er a Belau. Tirka el sensei a dirrek el oureng el kuk suub a teletael me a otutel a bedochel el rolel a osisechakl er a bebil er a skuul.

A Ms. Labsang a uluchais er a uldesuel el kirel a usbechel a data er a rengalek er a skuul el kmal mlo bleketakl a ultutelel el tia el ureor a uchul.

"A uchei e a kulumdasu el kmo aika el data er a rengalek er a skuul a di ua teng er tir me a lechub e ng kuk di ochur, e ng di aikang a lmuut el meklou a blekul," ng ko el mocha medengei. "Kid a diak di dosaod a teng er a rengalek er a skuul. Kede dirrek el mesaod a blekerdelir me a dechal a rengrir me a delengcheklir."

Pastor Mac Alfonso, el sensei er a Emmaus-Bethania High School, a kongei e dolechir el kmo tia el ureor me a PLC a mla ngosuir el kilungii a osengel me a uldesuel el kirir a rengalek er a skuul.

Ng melekoi el kmo, "Ng mla ngosukemam el mo ungil el medengelii a ngalek er a skuul me a cherrengelel a ureor el mo ngosuir. Se el chomdak el ngar er a kldibel er a PLC, e ng mo sebechem el tichiir a klekakerous er a osengir a rechad el kirel a ngalek er a skuul me a klekakerous er a suobel."

Usbechel a Data el Olterekokl a Osisecheklel a Omeluches me a Omenguiu

Se el ongede el dauch er tia el ureor, e a REL Pacific a olengeseu e omekrael er a resensei er a otutel aike el ketmekill el kirel a omelbil a ureor el ousbech a data el mo smisichii a osisecheklel a omenguiu me a omeluches. Ng ultuil er aike el mla mo merek el eru el dauch er a ureor, e tia el ongede el dauch a mo odak aike el beches el teletael e mo oltaut er a cherrengelel a skuul el rokir. A rekil tia el ureor er a Ongeteruich me a ongeru el buil er a rak er a 2026, e ng mo meketmokl a bleketakl el kerebai el bo lousbech el omkrael a ureor el ultuil er a ngar er ngii el data.

A odekial aike el tekoi el bla lsuub el okiu tia el ureor me aike el chedechuul el kirel a omengetmeklel a skuul, e a Vice Principal Umetaro me a resensei er a Mari Stella a melemolem el melai a data el ngii a usbechall er tia el teletelel a ureor. Ng uiltuil er tia el beches el uldasu el mesmechokl er a osisecheklel a omenguiu me a omeluches e te mla omuchel el oltaut er a oketiu el bung el temel a osisecheklel a omenguiu el mo melisiich er a ticherel a omenguiu.

A Vice Principal Umetaro a ouchais, "A resensei a omdasu el mo meruul er a skeng er a omenguiu el mo er tirke el me soiseb el mo Ongede el skuul me ng mo sebechir el mesang a klekakerous er ngii er se el ulebongel er a rak er a skuul." Ng dirrek el kmo, "Ak melebedebek el mo er ngii a ultutelel a lsekum ng ngar er ngii a data er a uchelel me a ulebongel me ng mo sebeched el mera el mesang a klisichel tia el ureor."

Tirke el chedal a ureor el kirel a Omengetmeklel me a Usbechel a Data el mo Melisiich a Urerir a Resensei er a Belau, tiang a uldimukl er ngii a resnesei er aike el private el skuul me a rechedal a REL Pacific. (Siasing a kloklel a Palau Community College)

Olkelel a Kekka er a Urerel a Skuul

Aike el private el skuul er a beluu er a Belau a mla nguu a klou el bakes el kirel a omengetmeklel a skulir me a omelelem er a resensei er tir. A eua er aika el skuul a mlo sebechir el lmuut el melemolem el uldimukl er se el Western Association of Schools and Colleges (WASC) el mle ultuil er aika el ngar er ngii el uldasu me a ureor er a omengetmeklel a skulir me a smecheklel a osisechakl, omelelem er a resensei, me a ureor el melisiich er a osisecheklel a omenguiu me a omeluches

• A Emmaus-Bethania High School a mlo ketengel el nguu a elolem el rak el accreditation.
• Belau Modekngei High School a ngiluu a elolem el rak el accreditation er a uriul er a di mle ede el rak el accreditaiton er a uchelel.
• Mindzenty High School me a Mari Stella School a dilak el nguu a lmuut el ede el rak el accreditation er a uriul er se el mid-cycle visit er a chelecha el rak.

A Pastor Alfonso a kmo, ng kmal klou a bla ksubii er tia el ureor er a omengetmeklel a WASC accreditaion. Ng mesang a klou el klungiolel me a ultutelel tia el ureor e soal a rokui el chad a bo el ldak er tia el okedbechel aike el ngar er ngii er a skulir.

"Ak mera el mesang a klisichel a cheldellel a skulam. E somam el melemolem er ngii. Ng somam el omakes el mo tuobed er tia el chaibibeob. Ng somam a rechedal a board me a dirrek el rechedal a ikelesia," ng melatk el kmo. "…Ng okiu tia el urerel a accreditation, e ng kmal mla ngosukak el mo ungil el medengelii (a cheldellam) isei a klisicham me ng kiram el oureor el kirel."

"Ak mera el mesang a klisichel a cheldellel a skulam. E somam el melemolem er ngii. Ng somam el omakes el mo tuobed er tia el chaibibeob. Ng somam a rechedal a board me a dirrek el rechedal a ikelesia," ng melatk el kmo. "…Ng okiu tia el urerel a accreditation, e ng kmal mla ngosukak el mo ungil el medengelii (a cheldellam) isei a klisicham me ng kiram el oureor el kirel."

"Ak mera el mesang a klisichel a cheldellel a skulam. E somam el melemolem er ngii. Ng somam el omakes el mo tuobed er tia el chaibibeob. Ng somam a rechedal a board me a dirrek el rechedal a ikelesia," ng melatk el kmo. "…Ng okiu tia el urerel a accreditation, e ng kmal mla ngosukak el mo ungil el medengelii (a cheldellam) isei a klisicham me ng kiram el oureor el kirel."